Ўзбекистон Халқ таълими вазирлиги мажбурий меҳнатнинг ҳар қандай кўринишига мутлақо қарши ҳамда тизимда фаолият кўрсатаётган педагогларнинг ўз касбига алоқаси бўлмаган турли ишларга жалб қилинишига йўл қўймайди. Бу ҳақда вазирлик сайтида эълон қилинган баёнотда сўз боради.
Мазкур баёнот халқ таълими вазири Улуғбек Иноятовнинг «Kun.uz» нашрига берган интервьюсига қўшимча сифатида эълон қилинган. Вазирлик баёнотида қайд этилишича, баъзи интернет нашрлари ва ижтимоий тармоқларда ушбу масалага нохолис ёндашилган, интервьюнинг айрим қисмларини контексдан ажратиб нотўғри талқин қилиш ҳолатлари учраган.
Вазирлик «соҳада хизмат қилаётган 400 минг нафардан ортиқ фидойи устоз ва мураббийларнинг меҳнатини қадрлаш, уларни ҳар томонлама қўллаб-қувватлаш, жамиятда устоз обрўсини ошириш йўлидаги ишларини давом эттириши»ни маълум қилган.
«Вазирлик қонунчилигимизда белгиланган меҳнат муносабатларига оид ҳуқуқий нормаларга сўзсиз амал қилади», — дейилади вазирлик баёнотида.
Изоҳ (0)