Қурбон ҳайити арафасида Исроил Марказий статистика бюроси мамлакатнинг мусулмонлар сектори бўйича статистик маълумотларни эълон қилди, деб ёзади «9ТВ».
Уларга кўра, 2016 йилда Исроилда яшайдиган мусулмонлар сони 1 миллион 534 кишини ташкил қилган, мамлакатнинг мусулмон аҳолиси улуши эса 17,7 фоизга тенг бўлган.
Йил давомида исроиллик мусулмонлар сони 36 минг кишига, яъни 2,4 фоизга кўпайган.
Мусулмонларнинг энг кўп қисми — 320 мингга яқини Қуддусда яшайди. Мусулмон секторида туғилиш коэффициенти 3,29 га тенг.
Исроилнинг мусулмон аҳолиси ёш: уларнинг тахминан 35 фоизини (534,3 минг киши) 14 ёшдан кичик болалар ва ўсмирлар ташкил этади ва 3,9 фоизигина (59,8 минг киши) 65 ёшдан катта кишилардир.
Мусулмон оилаларда уй хўжалигини таъминлаш учун харажатлар 13 202 шекелга тенг, бу яҳудийларнинг харажатларидан камроқдир (15 930 шекел), Мусулмон оилалар бюджетининг 23 фоизи овқатга, 19,7 фоизи — уй-жойга сарфланади.
Изоҳ (0)