АҚШнинг Техас штатига ёпирилган «Харви» тўфони қурбонлари сони 30 кишига етди. Бу ҳақда «ТАСС» хабар бермоқда.
13 мингдан ортиқ киши қутқариб қолинди. Улар олдин эвакуация қилинганлар билан бирга махсус жиҳозланган марказларга жойлаштирилмоқда. Бундай бошпаналар, жумладан, Хьюстондаги йирик анжуманлар саройи ва спорт мажмуида ташкил этилди. Сарой одамлар билан тўлгани, унга 10 мингдан ортиқ одам жойлаштирилгани билдирилмоқда.
Шаҳар мери Сильвестр Тернер расмийлар тез орада яна бир неча шундай марказ очишини билдирди. Тошқинлардан жабрланган ҳудудлардаги бошпаналарда эвакуация қилинган 20 мингдан ошиқ киши жон сақламоқда.
Яқин суткалар мобайнида тўфон Луизиана штатига кўчиши кутилмоқда.
Маълумот учун, аввалроқ 14 тўфон натижасида 14 киши вафот этгани хабар қилинганди.
Изоҳ (0)