КХДР томонидан 29 август куни ракета учирилгани қораланган баёнотни БМТ Хавфсизлик кенгаши аъзолари қабул қилди, деб ёзади «MK.ru». Баёнот ёпиқ маслаҳатлашувлар якунларига кўра қабул қилинди.
Хавфсизлик кенгаши ўтказилган синовни, шунингдек, 25 август куни баллистик ракеталарнинг катма-кет парвозларини «қатъиян қоралайди», дейилади ҳужжатда.
БМТ Хавфсизлик кенгаши «Шимолий Корея нафақат минтақа, балки БМТга аъзо барча давлатлар учун хавф туғдирувчи бундай хатти-ҳаракатларни зудлик билан тўхтатишини талаб қилади». Шунингдек, КХДРни аввалроқ қабул қилинган резолюцияларни бажаришга чақиришмоқда.
Изоҳ (0)