ОАВлар АҚШ биринчи хоними Мелания Трампнинг эри, АҚШ президенти Донад Трамп билан «Харви» довули натижасида келиб чиққан сув тошқини остида қолган Техасга сафари олдидан олинган фотосуратини истеҳзо билан қабул қилишди, деб ёзади «Газета.ru».
Суратларда Мелания баланд пошнали қора туфли кийган ҳолда акс этган.
Daily Beast портали баланд пошна сув тошқинидан жабр кўрган ҳудудга бориш учун мос келиш-келмаслигини сўроқ остига олган бўлса, Metro газетаси Мелания сув тошқинидан узоқроқ бўлиш учун «супербаланд» оёқ кийим кийганини тахмин қилган.
The Hollywood Reporter қайд этишича, манзилга етиб келгач, биринчи хоним туфлисини оқ кроссовкага ўзгартирган.
Оқ уйдаги CNN мухбири Кейт Беннетт эса Меланиянинг бу борадаги изоҳини эълон қилди ва миллий ҳалокат чоғида ҳаммани хавотирга солган нарса унинг туфлиси бўлгани қайғули ҳолат эканлигини ёзди.
Изоҳ (0)