Наманганда Ўзбекистон Республикаси мустақиллигининг 26 йиллигига бағишланган тантанали тадбирлар Янгиқўрғон туманидан бошланди. Бу ҳақда «Дарё»га туман ҳокимлиги ахборот хизмати хабар бермоқда.
«Фидойинг бўлгаймиз сени, Ўзбекистон» шиори остидаги байрам тадбири туман марказида, яқинда ишга туширилган ва мамлакатдаги энг катта мусиқали фавворалардан бирига эга бўлган «Эко-парк» ҳудудига туташ майдонда ўтказилди.
Дастлаб туман маданият бўлими қошидаги «Шодиёна» фольклор, «Қизлар гултастаси» рақс, «Шабнам» болалар жамоалари иштирокидаги чиқишлар намойиш этилди.
Шундан сўнг навбат пойтахт ва водийдан ташриф буюрган санъаткорларга берилди. Хонанда Сардор Мамадалиев, «Ниҳол» мукофоти совриндори Бекзод Баҳромов, Муқаддас Жўраева ижросидаги қўшиқлар барчани даврага чорлади.
Изоҳ (0)