Андижон вилояти аҳолиси Мустақилликнинг 26 йиллигини катта тантаналар билан кутиб олмоқда. Энг улуғ, энг азиз байрам арафасида Андижон шаҳрининг Бобуршоҳ ва Иргаш Ашуров кўчаларини боғловчи Мангулик кўчаси очилди, деб хабар берди «Ўзбекистон 24».
Унда вилоят ҳокими Шухратбек Абдураҳмонов иштирок этди. Барчани мустақиллик шодиёнаси билан қутлаб, Ўзбекистонда амалга оширилаётган бунёдкорлик ишларининг кўлами янада кенгайиши ва бу халқнинг нурли келажагини таъминлашини айтиб ўтди. Шунингдек, байрам арафасида вилоятда 126 та катта-кичик объект фойдаланишга топширилишини мамнуният билан таъкидлади.
Тантана давомида мазкур кўча қурилишини амалга ошириган «Самандар шижоати» масъулияти чекланган жамиятининг ишчиларига миннатдорлик билдрилди, дейилади «Андижоннома» газетасида.
Тадбирда Андижон санъат коллежининг оркестр жамоаси ва истеъдодли ёш санъаткорлар куй ва қўшиқлари билан барчани даврага чорлади.
Изоҳ (0)