КХДР етакчиси Ким Чен Ин махсус топшириқли бўлинманинг Жанубий Кореядаги Пэннёндо ва Ёнпхёндо оролларини қўлга олиш ҳаракатлари борасида полигонда ўтказган ўқув машғулотига ташриф буюрди. Бу ҳақда KCNA агентлигига таяниб, «ТАСС» хабар берди.
КХДР армиясининг махсус топшириқли бўлинмаси сценарий бўйича Пэннёндо ва Ёнпхёндо сифатида қаралган иккита оролга ҳужум уюштирди. Аввалига ҳужум жанговар самолётлар, сўнг реактив қуроллар ва ўзиюрар гаубицалар ёрдамида амалга оширилди. Шундан сўнг десантлар оролни назорат остига олди: махсус кучлар парашютлар ёрдамида ерга тушди, «сув орқали махфий равишда оролга кириб борди», шунингдек, резина қайиқлар орқали бостириб келди.
Ким Чен Ин натижалардан қониққан ҳамда аскар ва офицерларнинг жанговар руҳиятига юқори баҳо берган. «Армия душманларни қурол ёрдамида йўқ қилишни, шунингдек, Сеул ва Кореянинг жанубий қисмини битта уринишда қўлга киритишни ўйлаши керак», — дея таъкидлади мамлакат етакчиси.
Изоҳ (0)