Ҳиндистоннинг Панчкул шаҳрида (Харьяна штати) суд нуфузли диний етакчини издош аёлларни зўрлаганликда айбдор деб топганидан сўнг юзага келган тартибсизликларда камида 30 киши ҳалок бўлди. Бу ҳақда «РИА Новости» хабар бермоқда.
Hindustan Times нашрига кўра, 29 киши Панчкула шаҳрида, яна бир киши Рам Раҳимнинг қавми жойлашган Сирса шаҳрида ҳалок бўлди. Унинг издошлари кўп бўлган Панжоб штатида ҳам вазият нотинч эканлиги айтилмоқда.
«Дера Сача Саудра» қавми етакчиси Гармит Рам Раҳим Сингх 25 август, жума куни икки ҳолат бўйича зўрлашда айбдор деб топилди. У суд биносида ҳибсга олинди, шундан сўнг суд йиғилиши ўтказилган Панчкулда тартибсизликлар бошланди.
Гармит Сингхга нисбатан ҳукм 28 август, душанба куни эълон қилиниши кутилмоқда.
Изоҳ (0)