Britaniyada mikroavtobusning ikki yuk mashinasi bilan to‘qnashuvi oqibatida 8 kishi halok bo‘ldi

Buyuk Britaniyadagi trassada mikroavtobus va ikki yuk mashinasi ishtirokida yo‘l-transport hodisasi yuz berdi. Bu haqda “Gazeta.ru” xabar bermoqda.

Yo‘l-transport hodisasi 26-avgust, shanba kuni erta tongda Britaniya janubi-sharqidagi Milton-Kins shahri yaqinida yuz bergan.

Hodisa oqibatida sakkiz kishi halok bo‘lgan, yana to‘rt kishi tan jarohati olgan. Dastlabki ma’lumotlarga ko‘ra, qurbonlar va jabrlanuvchilarning bari mikroavtobusda bo‘lgan.

Politsiya ma’lumotlariga ko‘ra, har ikkala yuk mashinasining haydovchilari transport vositasini ehtiyotsizlik bilan haydash oqibatida inson o‘limiga sabab bo‘lish gumoni ostida qo‘lga olingan. Ulardan biri mast holda rulga o‘tirganlikda ham gumon qilinmoqda.