Хитой киберхавфсизлик соҳасида кадрлар тайёрлаш бўйича институт қуришга киришди. Бу ҳақда «Коммерсантъ» хабар бермоқда.
Институт Хубэй провинциясининг Ухань шаҳридаги иқтисодий зонада барпо этилмоқда. Лойиҳа 5 миллиард юан (750 миллион доллар) баҳоланди.
Институтнинг очилиши 2019 йил июнига мўлжалланган. Унда бир пайтнинг ўзида 10 минггача киши ўқиши мумкин. Мамлакатда 2027 йилга қадар яна 4-6 та шундай ўқув юрти очиш режалаштирилган.
Маълумот учун, Хитойда 2016 йил ноябрида киберхавфсизлик бўйича янги қонун қабул қилинди.
Изоҳ (0)