АҚШ ва Жанубий Кореянинг Ulchi Freedom Guardian ҳарбий машғулотлари Корея ярим оролида кескинликни юмшатишга хизмат қилмайди. Бу ҳақда Россия Ташқи ишлар вазирлиги расмий вакили Мария Захарова маълум қилди, дея хабар беради «ТАСС».
«АҚШ ва Жанубий Кореянинг навбатдаги кенг кўламли ҳарбий-денгиз машғулотлари ўтказилиши Корея ярим оролида кескинликни юмшатишга хизмат қилмайди. Барча томонларни имкон борича эҳтиёткорликка чақирамиз. Минтақада қурол-аслаҳаларнинг ортиши оқибатида ҳар қандай ўйлаб кўрилмаган қадам, ҳатто қасддан бўлмаган ҳодиса ҳам ҳарбий можарога сабаб бўлиши мумкин», — деди Россия ТИВ вакили.
Айни пайтда, Мария Захаровага кўра, Россия томони «Корея ярим ороли атрофидаги жанговар руҳдаги гап-сўзлар шиддати бирмунча пасайгани»ни қайд этди. Шу боис Москва Пхеньян машғулотларга ҳарбий йўл билан жавоб бермаслигига умид қилмоқда.
Изоҳ (0)