Агар бу восита идишдаги ёғларни эрита олса, демак у қўлларингиздаги ёғ қаватига ҳам таъсир қилишига шубҳа қилмасангиз ҳам бўлади.
Биз идиш ювиш воситалари таркибидаги сизнинг соғлиғингиз учун хавфли ҳисобланувчи кимёвий моддалар тўғрисида айтиб бермоқчимиз.
Аммиак. Ёрлиқларда «аммиак» сўзи унчалик тез-тез ишлатилмайди. Лекин «аммоний тузлари» ёзуви кўп учрайди. Аммоний ионларининг бактериялар билан қўшилиши натижасида нитрид ва нитрит тузлари пайдо бўлиши мумкин. Бу тузлар инсон организмида гемоглобиннинг емирилишига олиб келади.
Триклозан. Бу модда ювиш воситалари таркибига бактерияларни йўқотиш мақсадида қўшилади ва бу вазифани аъло даражада бажаради. Лекин у сувда яхши ювилмайди. Бу модда организмга тушса нафақат микробиотанинг, балки қалқонсимон без фаолиятининг ҳам бузилишига олиб келади.
Формальдегид. У ҳам триклозан каби бактерияларни йўқотади. Ва овқат ҳазм қилиш ва эндокрин тизимига ҳам худди шундай салбий таъсир кўрсатади.
Дихлоризоцианурат натрий. Бу модда бактериялар ва бир ҳужайрали замбуруғларни йўқотиш мақсадида ишлатилади. Лекин уларнинг катта миқдори одамларга ҳам зарар етказиши мумкин.
Фосфатлар. Бу моддадан деярли ҳамма ишлаб чиқарувчилар фойдаланади, чунки улар яхши тозалаш билан бирга сувни юмшатиш хусусиятига ҳам эга. Лекин фосфатлардан ўғит сифатида ҳам фойдаланилади. Олимлар томонидан ўтказилган тадқиқотларга кўра, сув қувурларини тозалашда фосфатлардан фойдаланилган жойларда яшил сув ўтлари пайдо бўлиши аниқланган. Сув ўтлари эса жуда заҳарли ҳисобланади.
Биз нима қилишимиз керак?
Идишларни ювишда ҳимояловчи қўлқоплардан фойдаланишимиз керак.
Таркибида фосфатлар бўлган ҳар қандай ювиш воситаларидан воз кечишимиз керак.
Идиш ювиш машинаси сотиб олишга ҳаракат қилишимиз керак.
Манба: «Womanway.online»
Изоҳ (0)