Баъзан кумушдан ясалган буюмлар вақт ўтиши билан қораяди, лекин баъзан эса ўз рангини кескин ўзгартиради. Нима учун бундай бўлишини, нима учун кумуш қорайишини билиб олинг.
Кўпчилик кумуш буюмлар таркибига нам ва тоза ҳаво таъсирида оксидланувчи мис қўшилади. Шунинг учун қимматбаҳо металлда мунтазам равишда қалинлашиб борувчи қатлам пайдо бўлади. Албатта, бу қатламнинг пайдо бўлиш тезлиги ҳавонинг намлигига, иқлимнинг алмашишига ва сув билан алоқа қилиш даражасига ҳам боғлиқ.
Шунингдек тақинчоқларнинг ташқи кўринишига организмдаги ички жараёнлар ҳам таъсир кўрсатади.
Баъзан сиз мунтазам равишда тақадиган тақинчоқларнинг ҳаммаси ҳам қорайиб кетмаслиги мумкин. Кўпчилик ёғ безлари тананинг айнан кўкрак қисмида жойлашганини ҳисобга олинг. Шунинг учун кўпроқ занжирлар ва кулонлар қорайишга мойил бўлади. Шунингдек гормонал балансни ҳам текшириш ортиқчалик қилмайди.
Кумуш тақинчоқланингизнинг қорайиш сабабларини билмоқчи бўлсангиз, қуйидагиларни эслашга ҳаракат қилинг: яқин орада кучли стрессни бошдан кечирганмисиз ёки таркибида олтингугурт бўлган янги дори қабул қилганмисиз? Балки, сабаби айнан улар бўлиши ҳам мумкин.
Кумушнинг рангини ўзгартириши буйраклар фаолиятининг бузилиши ва одамнинг асаб тизими муаммоларидан дарак бериши ҳам мумкин. Агар ҳамма тақинчоқлар эмас, балки фақат баъзилари қорайган бўлса, бу эндокрин тизимидаги маълум бир бузилишлар борлигини билдиради.
Ҳар қандай ҳолатда ҳам олдиндан ваҳимага тушиш ярамайди. Кумуш тақинчоқларингизни тозаланг ва рангининг ўзгаришига эътибор беринг. Бу вақт ичида уни спорт залига, ҳаммомга, ҳовузга борганда тақмасликка ҳаракат қилинг. Агар буюм қорайишни давом эттирса, унда организмни тўлиқ текширтиринг. Омад тилаймиз!
Манба: «Passion.ru»
Изоҳ (0)