Марказий разведка бошқармаси собиқ ходими Плам Уилсон АҚШ президенти Дональд Трампнинг саҳифасини блокировка қилиш учун GoFundMe сервисида Twitter тармоғини харид қилишга қаратилган маблағ йиғиш кампаниясини бошлади. Бу ҳақда «Газета.ru» хабар бермоқда.
«Дональд Трамп Twitter’да кўплаб мудҳиш ишларга қўл урди. Оқ танли ирқчиларни ёқлашдан тортиб, журналистларга нисбатан зўравонликни илгари суришгача. Унинг твитлари мамлакат ва одамларга зарар етказмоқда, улар ядро урушини ҳам бошлаб бериши ҳеч гап эмас. Бу ҳолат юз бермасидан Трампнинг аккаунтини йўқотиш лозим», — таъкидлади Плам Уилсон.
Собиқ разведкачи 1 миллиард доллар йиғиш (Twitter қиймати ҳозирда 12 миллиард доллардан ошади) ва ҳеч бўлмаганда компания акцияларининг йирик қисмини харид қилиш ниятида. Бироқ аёл олти кун ичида 6 минг доллар тўплади, холос.
Изоҳ (0)