Андижон вилояти Пахтаобод тумани Тошқўрғон маҳалла фуқаролар йиғинида яшовчи, 1954 йилда туғилган К.Ф.нинг яшаш уйидан номаълум шахс умумий қиймати 4000 доллардан ортиқ пул ва тақинчоқларни ўғирлаб кетган. Бу ҳақда Андижон вилоят ИИБ хабар берди.
Номаълум шахс хонадон ётоқхонасидаги жавон тортмасидан жами 3100 АҚШ доллари, 2000 Россия рубли, нархи 1000 АҚШ долларига тенг бўлган 2 дона тилла занжир, 3 дона тилла узук ва 3 жуфт тилла зиракларини ўғирлаб кетган.
Пахтаобод туман ИИБ ходимларининг тезкор суриштирув ҳаракатлари натижасида жиноят содир этган шахс ушланди. У Андижон вилояти Пахтаобод туманида яшовчи, 1998 йилда туғилган К.М. исмли аёл эканлиги аниқланди
Ундан далилий ашё сифатида 2600 АҚШ доллари, 1000 Россия рубли ва 80000 сўм пуллар олинган. Тергов ҳаракатлари олиб борилмоқда.
Изоҳ (0)