Ливан разведкаси Австралиядан Бирлашган Араб Амирлигига парвоз қилаётган самолёт бортида содир этилиши режалаштирилган терактнинг олдини олди. Бу ҳақда Ливан ИИВ раҳбари Нухад Машнук 21 август, душанба куни бўлиб ўтган матбуот анжуманида маълум қилди, деб хабар берди «РИА Новости».
«Ливан ички хавфсизлик кучларининг разведка бўлими яқинда Австралиядан Абу-Дабига учаётган амирликка тегишли авиатармоқ самолёти бортида портлашнинг олдини олди», — дея терактнинг режалаштирилиш санасига аниқлик киритмасдан маълум қилди ливанлик вазир.
Тарик Хаят исмли ливанлик террорчи тўрт нафар жангари билан биргаликда терактни уюштиришга тайёргарлик кўрган, дея қўшимча қилди Машнук. Вазир террорчининг тақдири нима бўлгани ҳақида маълум қилмади.
Изоҳ (0)