АҚШ бутун Россия бўйлаб ноиммиграцион визаларни тақдим этишни тўхтатади. Бу ҳақда Америка элчихонасининг сайтига асосланиб, «Газета.ru» хабар берди.
«АҚШ Россиянинг мамлакатда Америка дипломатик миссияси ходимлари сонини қисқартириш бўйича чора-тадбирлари сабаб, 2017 йилнинг 23 августидан бошлаб бутун Россия ҳудудида ноиммиграцион визаларни тақдим этиш жараёнини тўхтатади», — дейилади хабарда.
Шунингдек, маълум қилинишича, 2017 йилнинг 1 сентябридан бошлаб виза бериш жараёни Москвада қайта тикланади. Бошқа ҳудудларда эса қанча муддатга тўхтатилгани номаълум.
Таъкидланишича, аввалроқ бўлиб ўтиши режалаштирилган суҳбатлар бекор қилинади.
Изоҳ (0)