Жанубий Кореяда қурилаётган нефть танкеридаги портлаш оқибатида тўрт киши ҳалок бўлди

Жанубий Кореянинг STX Offshore & Shipbuilding заводида қурилаётган нефть танкеридаги портлаш оқибатида тўрт киши ҳалок бўлди. Бу ҳақда «Газета.ru» хабар бермоқда.

Ҳодиса Сеулдан 450 километр жануби-шарқда жойлашган Чханвон шаҳрида юз берди.

Ҳалок бўлганлар завод ишчилари эканлиги билдирилмоқда.

Портлаш сабаблари маълум қилинмади.