Олмалиқ кон-металлургия комбинатида Ангрен қувур заводи директори бўлиб ишлайдиган Эрйигит Сулаймоновга Ўзбекистон фуқаролиги берилди. Бу ҳақда «Ўзбекистон 24» репортажида айтилади.
Маълум бўлишича, 31 ёшли Эрйигит Тожикистонда туғилган, аммо ўрта таълим ва кейинчалик олий таълимни ҳам Ўзбекистонда олган. Унинг ўзи кўзида ёш билан айтишича, Ўзбекистон паспортини олишни у 25 йил кутган.
Ўзбекистон Президенти Шавкат Мирзиёевнинг ОКМКга ташрифи чоғида Эрйигит ўзини таништириб, Ўзбекистон фуқаролигини олиш учун барча ҳужжатларни топшириб қўйганини маълум қилган, давлат раҳбари ўша пайтдаёқ унинг Ўзбекистон фуқаролигини олишига кафолат берганди.
Изоҳ (0)