Қирғизистон миллий термаси Тошкентга Ўзбекистонда ўйнайдиган битта ва ҳозир жамоаси йўқ икки футболчи билан келади
Футбол бўйича Ўзбекистон миллий терма жамоаси 25 август куни Қирғизистон миллий терма жамоасига қарши ўртоқлик учрашуви ўтказади. Ўйин Тошкент шаҳрида бўлиб ўтади.
Ўзбекистон Футбол Федерацияси матбуот хизмати хабарига кўра, Қирғизистон миллий терма жамоаси бош мураббийи Александр Крестинин Ўзбекистонга қарши ўйин учун 22 футболчини таркибга жалб қилган.
Таркибда Ўзбекистон Олий Лигасида иштирок этувчи «Олмалиқ» клуби ярим ҳимоячиси Фарҳод Мусабеков, шунингдек, айни вақтда клуби йўқ ўйинчилар — дарвозабон Павел Матяш ва ярим ҳимоячи Антон Землянухин бор. Ҳимоячилар қаторида кўрсатилган Дениэл Тего эса асли ганаликдир.
Қирғизистон миллий термасининг Ўзбекистонга қарши таркиби
Дарвозабонлар — Павел Матяш (ҳозирча клубсиз), Валерий Кашуба («Дордой»).Ҳимоячилар — Азамат Байматов («Сохар», Уммон), Тамирлан Кўзубаев, Дениэл Тего, Курсан Шератов (ҳаммаси – «Дордой»), Аманбек Манибеков, Владимир Казакбаев, Данила Сокирченко (ҳаммаси – «Абдиш-Ата»).
Ярим ҳимоячилар — Бахтиёр Дуйшобеков («Абдиш-Ата»), Фарҳод Мусабеков («Олмалиқ», Ўзбекистон), Павел Сидоренко, Азиз Сидиқов, Ислом Шамшиев, Қайрат Жиргалбек ўғли, Бекжан Сагинбаев, Авазбек Ўткеев (ҳаммаси – «Дордой»), Одилжон Абдураҳмонов, Муролимжон Аҳмедов (иккиси – «Олой»), Антон Землянухин (ҳозирча клубсиз).
Ҳужумчилар — Мақсад Алимов («Олой»), Суюнтбек Мамиралиев («Дордой»).
Мавзуга доир: Самвел Бабаян Хитой ва Жанубий Кореяга қарши 27 футболчини чақирди. Улар орасида «Жубило Ивата»даги Фозил Мусаев ҳам бор
