Ўзбекистон миллий терма жамоаси бош мураббийи Самвел Бабаян ЖЧ—2018 саралаш гуруҳ босқичи доирасидаги сўнгги икки ўйин учун 27 футболчидан иборат таркибни эълон қилди. Бу ҳақда Ўзбекистон Футбол Федерацияси матбуот хизмати хабар бермоқда.
Хабар беришларича, Ўзбекистон миллий терма жамоаси Хитой ва Жанубий Корея терма жамоаларига қарши саралаш учрашувларига тайёргарлик доирасида 20 августдан Тошкентда йиғин бошлайди. Мазкур йиғин доирасида 25-авгут куни Қирғизистон термасига қарши ўртоқлик учрашуви ўтказилади.
Шундан сўнг, Ўзбекистон миллий терма жамоаси 31 август куни сафарда Хитойга қарши баҳс олиб борса, 5 сентябрь куни Тошкентда Жанубий Корея термасига қарши майдонга тушади.
Ўзбекистон миллий термасининг Хитой ва Жанубий Кореяга қарши таркиби
Дарвозабонлар — Александр Лобанов («Пахтакор»), Игнатий Нестеров («Локомотив» Тошкент), Никита Рибкин («Қўқон-1912»).Ҳимоячилар — Фаррух Сайфиев («Насаф»), Владимир Козак («Пахтакор»), Виталий Денисов («Локомотив» Москва, Россия), Анзур Исмоилов («Чанчун Ятай», Хитой), Шерзод Аъзамов («Пахтакор»), Егор Кримец («Бейжинг Гоан», Хитой), Акмал Шораҳмедов («Насаф»), Ислом Тўхтахўжаев («Локомотив» Тошкент), Даврон Ҳошимов («Пахтакор»).
Ярим ҳимоячилар — Сервер Жепаров («Истиқлол» Теҳрон, Эрон), Жалолиддин Машарипов («Локомотив» Тошкент), Сардор Мирзаев («Локомотив» Тошкент), Элдор Шомуродов («Ростов», Россия), Азиз Ғаниев («Насаф»), Одил Аҳмедов («Шанхай СИПГ», Хитой), Фозил Мусаев («Жубило Ивата», Япония), Азиз Ҳайдаров («Ажман», БАА), Отабек Шукуров («Бунёдкор»), Жамшид Искандеров («Пахтакор»), Сардор Рашидов («Ал-Жазира», БАА), Марат Бикмаев («Локомотив» Тошкент).
Ҳужумчилар — Темурхўжа Абдухолиқов («Ас-Сайлия», Қатар), Игорь Сергеев («Пахтакор»), Александр Гейнрих («Ўрдабаси», Қозоғистон).
Гуруҳда иккинчи бўлиб турган Жанубий Корея ҳисобида 13, Ўзбекистон миллий терма жамоасида эса 12 очко бор. Тўртинчи ўриндаги Сурия ҳисобида 9 очко бўлиб, бу жамоа ҳам ЖЧ—2018 йўлланмалари учун курашни давом эттирмоқда. Гуруҳда дастлабки икки ўринни эгаллаган жамоалар тўғридан-тўғри йўлланмани қўлга киритади, 3-ўрин соҳиби эса плей-офф баҳсларида қатнашади.
Аввалроқ Жанубий Корея бош мураббийи терма жамоанинг Ўзбекистонга қарши ўйини учун таркибни эълон қилгани, таркибдан ЖЧ—1998 да ҳам иштирок этган ҳужумчи Ли Донг Гук ҳам ўрин олгани ҳақида хабар берилган эди. 38 ёшли Ли Донг Гук Ўзбекистон дарвозасига жами тўртта гол урган бўлиб, уларнинг иккитаси турли йиллардаги саралаш ўйинларида, қолган иккитаси эса битта ўртоқлик учрашувида киритилган.
Изоҳ (0)