Усэйн Болт «Манчестер Юнайтед» сафида «Барселона»га қарши тўп тепади

Ямайкалик спринтер, Олимпия ўйинларининг саккиз карра чемпиони Усэйн Болт «Манчестер Юнайтед» ва «Барселона» футбол клублари фахрийлари иштирокидаги кўргазмали ўйинда қатнашади. бу ҳақда The Sun хабар бермоқда.

Ўйин 2 сентябрь куни Манчестердаги «Олд Траффорд» стадионида бўлиб ўтади. Манкунианлар таркибида Эдвин ван дер Сар, Пол Скоулз, Дуайт Йорк, Фил Невилл каби футболчилар майдонга тушиши кутилмоқда. Гаиска Мендьета, Эрик Абидал, Мигел Анхель Надал, Георге Попеску ва Хулио Салинас эса «Барселона» либосида ўйинда қатнашади.

Болт 12 август куни Лондонда бўлиб ўтган енгил атлетика бўйича жаҳон чемпионатининг 100 метрга югуриш бўйича эстафета мусобақасида жароҳат олди ва финишга етиб кела олмади. Мусобақада британиялик спортчилар ғолиб чиқди. Мазкур пойга ямайкалик спортчи учун сўнггиси бўлди: мусобақадан сўнг у профессионал фаолиятига якун ясади.

Болт 30 июнь куни Дортмунднинг «Боруссия» футбол клуби машғулотларида қатнашишини маълум қилган эди. Ямайкалик пойгачи, агар ҳаммаси яхши ўтса, футбол билан профессионал даражада шуғулланиш нияти борлигини айтиб ўтган эди.

Усэйн Болт «Манчестер Юнайтед» ишқибози саналади. Sprinter енгил атлетикадаги фаолиятини якунлаганидан сўнг, «Манчестер Юнайтед» сафида тўп суриш нияти борлигини бир неча бор таъкидлаб ўтган.