Экология давлат қўмитаси раҳбари раислик қиладиган Ишчи гуруҳ таркибидан биоинспекция ва жамоатчилик билан алоқалар бўлими ходимлари, шунингдек, қўмита ОАВ вакиллари жой олган.
Туман ҳокимиятлари ёки «Ягона ойна» маркази томонидан дарахтларни кесич бўйича берилган аризалар бир сутка давомида вилоят инспекциясига юборилади. Улар жойлардаги дарахтларнинг ҳолатини ўрганиб, хулоса тайёрлайди, тадқиқ қилингани бўйича акт, схема, фотоматериал тузади ва беш иш куни мобайнида барча материалларни тасдиқлатиш учун Ишчи гуруҳга тақдим этади.
Хулоса Ишчи гуруҳ томонидан яхшилаб ўрганиб чиқилгач, тасдиқланади. Асосга эга бўлмаган хулосалар бекор қилиниши ёки қўшимча равишда бошқатдан ўрганиб чиқиши учун ҳудудий инспекциясига юборилади.
Тасдиқланган хулосалар бир сутка давомида Тошкент шаҳар Экология ва табиатни муҳофаза қилиш бошқармасига юборилади. Шундан сўнг дарахтларни кесиш бўйича хулосалар туман ҳокимиятларига жўнатилади.
Шу билан бирга ҳудудий инспекциялари дарахтларни кесишга рухсат берилгани ҳақидаги шунингдек, табиий зарар келтирувчи ҳамда касалликлар сабаб қуриб қолган дарахт ва буталарни кесиш, уларнинг аниқ манзили, қанча муддат ичида кесилиши ҳамда уларнинг сони кўрсатилган реестрни тузади.
Изоҳ (0)