Ўзбекистон Президенти Шавкат Мирзиёевнинг 11 август, жума куни Олмалиқ шаҳрига қилган ташрифидан сўнг шаҳар ҳокими ва яна учта раҳбар ўз лавозимидан озод этилди.
Ташриф доирасида Олмалиқ тумани фаоллари билан бўлиб ўтган йиғилишда давлат раҳбари Олмалиқ прокурори ҳам, ҳокими ҳам, Тошкент вилояти ҳокими ҳам халқ билан бир хил шароитда яшаши кераклигини таъкидлаб ўтди.
«Мен қарор қабул қилдим — мажлисбозликни йўқ қилдик. Туманнинг тўрт раҳбари — ҳоким, прокурор, Ички ишлар бошқармаси бошлиғи, солиқ хизмати раҳбари — шаҳарнинг марказида аҳоли билан яшайди. Давлат уларга уй беради, улар ўша ерда яшайди, ўша ерда нафас олади. Свет бўлса, свет билан яшайди. Свет бўлмаса светсиз яшайди. Йўл бўлмаса, йўлсиз яшайди. Сув бўлмаса, сувсиз яшайди. Ноннинг қимматлигини, гўштдаги ноинсофликни сезиб, ўша ҳид билан яшаса, мен уларни жамоамга қабул қиламан. Бўлмаса, қабул қилмайман», — деди Шавкат Мирзиёев.
Бу кимгадир ёқади, кимгадир ёқмайди. Мен шундай тизим қилдим. Биз анча кечикканмиз. Одамлар биздан норози. Халқимиз чидагани учун сажда қилиб, таъзим қилиб кечирим сўрашимиз керак.Шавкат Мирзиёев, Ўзбекистон Президенти
Изоҳ (0)