Бугун,

  • USD 11095.31
  • RUB 173.84
  • EUR 10772.44

Замонавий жамият ўз қоидаларини ўтказиши натижасида ёш муваффақиятнинг ажралмас қисмларидан бири деб ҳисобланади. Муайян вақтда одам ўз туғилган кунини ижобий ҳодиса деб билмай қўяди. Таваллуд топган кунида киши қувониш ўрнига, унинг бошида «беҳуда» сарфланган йиллари, ишлаб топилмаган миллионлари ва қандайдир қувончли истиқболнинг йўқлиги ҳақидаги ўйлар бонг уради. Ҳаёт қўлдан бой берилди, дейди кўпчилик қирқ ёшлилар. Аммо Trendymen айнан 40 ёшидан кейин муваффақиятга эришган кишилар ҳақида ҳикоя қилди.

Фото: Trendymen

Фото: Trendymen

Робин Чейз Zipcar компаниясига 42 ёшида, 2002 йилда асос солди. Аммо тадбиркор аёлга бу ҳам камлик қилди: 2011 йилда у бошқаларнинг стартапларини қуриш ва ривожлантириш учун ўз компаниясини тарк этди. Бундан ташқари, Робин Чейз — Жаҳон иқтисодий форуми аъзоси.

Фото: Trendymen

Фото: Trendymen

Эволюция назарияси муаллифи Чарльз Дарвин 50 ёшигача жиддий кашфиётларни амалга оширмаган. У барча одамови тадқиқотчиларга хос бўлган тарзда ҳаёт кечирган. 50 ёшдан кейингина дунёдаги барча одамларнинг ўз-ўзлари ҳақидаги тушунчаларини абадий ўзгартириб юборган «Турларнинг келиб чиқиши» китобини чиқарган.

Фото: Trendymen

Фото: Trendymen

Профессионал фигурачи ва журналист Вера Вонг 40 ёшга тўлган куни ўз фаолиятини тубдан ўзгартиришга қарор қилди. У мода саноатини танлади ва бугунги кунда дунёдаги энг талабгир дизайнер аёллардан бирига айланди.

Фото: Trendymen

Фото: Trendymen

Жулия Чайлд ўз ҳаётининг кўп қисмини реклама, матбуот ва журналистика билан банд қилди. Бу фаолияти унга на эътироф, на ҳузур-ҳаловат, на яхши даромад келтирди. 50 ёшида аёл вақтини ўзига ёқмайдиган нарсаларга сарфлашни бас қилиб, севимли хоббиси билан шуғулланишга қарор қилди. Натижада пазандалик рецептлари битилган илк китобиёқ Жулия Чайлдни дунёнинг энг таниқли бош ошпазларидан бирига айлантирди.

Фото: Trendymen

Фото: Trendymen

Ҳозирги вақтда энг машҳур Голливуд актёрларидан бири бўлган Сэмюэл Л. Жексон узоқ йиллар давомида унчалик оммабоп бўлмаган фильмларда эпизодик ролларни ўйнаб юрди. 40 ёшида актёрлик карьераси барбод бўлишига ишончи комил эди. Аммо бир-икки йилдан кейин Спайк Ли Жексонга машҳур «Чангалзор безгаги» фильмидаги ролни таклиф қилди: 42 ёшли актёр шу заҳоти Голливуд Олимпининг энг чўққисига кўтарилди.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди