Юқори лавозимга кўтарилишга ёрдам берувчи 4 маслаҳат
Юқори мартабага эришиш учун ўз ишини севадиган тиришқоқ ва интилувчан ходим бўлиш керак.
Фото: Shutterstock
Раҳбариятнинг назарига тушиш учун, ёки ўз ишини яхши бажариш керак, ёки унга чаққонлик билан чап бериш керак. Юқори лавозимга ўтиш учун албатта биринчи усул тўғри келади. Ишга жиддий муносабатда бўлишингизни ва сиз ҳақиқатан ҳам мансаб поғоналаридан кўтарилишга лойиқ эканлигингизни кўрсатишингиз лозим. Бунда сизга бир неча оддий, лекин фойдали маслаҳатлар ёрдам беради.
Ўз иш жойингизни тартибга келтиринг
Бошлиғингизнинг эътиборини қозонишга уриниб кўришдан олдин ўз иш жойингизни йиғиштиринг. Диққатингизни чалғитадиган нарсалардан қутулинг. Ниманинг қаерда туришини яхши билсангиз, керакли нарсаларни излашга вақтингизни сарфлаб ўтирмайсиз. Шунда сизнинг кундалик вазифаларга эътиборингизни қаратиш осонроқ бўлади.
Ишингизга баҳо беришларини сўранг
Раҳбариятдан ишингизни қандай қилиб яхшилашингиз мумкинлиги ҳақида очиқдан-очиқ сўранг. Акс ҳолда сиз фойдаси бор ёки йўқлигини билмасдан туриб унинг кўнглини топиш учун ишингизни қайта-қайта бажаришингизга тўғри келади. Шунинг учун нимани ўзгартириш кераклиги, нимага эътибор бериш ва бошлиғингиз сиздан нимани кутаётганини аниқ билган яхшироқ.
Интизомли бўлинг
Интизомли бўлиш сизга вақтни тўғри тақсимлаш ва бошлаган ишингизни охирига етказишда ёрдам беради.
Танаффус қилиб туринг
Чарчаган ва ҳолдан тойган ҳолатда сиз ўз ишингизни яхши бажара олмаслигингиз аниқ. Шунинг учун дам олиш ва куч йиғишга албатта вақт топинг.
Изоҳ (0)