Франция президенти Эммануэль Макрон барча томонларни КХДРнинг ракета дастури атрофидаги инқирознинг кенгайиб кетишидан қочишга чақирди. Бу ҳақда Елисей саройи баёнотига таяниб, «Газета.ru» хабар берди.
«Республика президенти минтақадаги иттифоқчилар ва ҳамкорларга улар билан ҳамтараф эканлигини билдиради. Бундан ташқари, у барчани масъулиятли бўлишга ва қаршиликнинг кучайиб кетишидан қочишга чақиради», — дейилади баёнотда.
Франция президенти КХДРнинг ядро ва баллистик таҳдидлари кучаяётгани муносабати билан хавотирда эканлигини ҳам билдирган. Шунингдек, у Пхеньян мазкур таҳдидни келтириб чиқараётган қурол яратиш дастуридан тўлиқ воз кечиши кераклигини таъкидлаган.
Изоҳ (0)