Швейцариянинг Der Bund ва Tages-Anzeiger газеталари журналистлари Россия президенти Владимир Путин ва Италия фашист диктатори Бенито Муссолинининг суратларини қиёслади, деб ёзади «Mk.ru».
ОАВлар Путин ва Муссолини яланғоч гавда билан тургани, шунингдек, от мингани, чанғи учаётгани ёки кўлда сузаётгани акс этган суратларни топди ва уларни ич-ичидан ўхшаш деб топди.
Журналистлар «Россия президенти 65 ёшли киши учун ажойиб бўлган жисмоний формада» эканлигини тан олган. Аммо «ўз-ўзини тақдим этиш»нинг бундай усулини Германиядаги миллатчи-социалистлар ва Италиядаги фашистлар оммага таъсир ўтказиш мақсадида мукаммалликка етказгани» айтилади.
«Swissinfo.ch» порталининг рус хизмати раҳбари Игорь Петров айтишича, бундай қиёслашлар ҳеч қандай шов-шувни келтириб чиқармайди. Россиянинг Швейцариядаги элчихонаси бу хабарларга аллақачон муносабат билдириб, «дипломатик можаро» бўлмаслигини ва ҳеч қандай изоҳ бермаслигини маълум қилган. «Мақолалар учун маҳаллий матбуот кечирим ҳам сўрамайди, чунки бу ерда улар мустақил», — деди Петров.
Изоҳ (0)