Facebook компанияси Хитойда фотосуратлар алмашишга мўлжалланган дастурини махфий равишда ишга туширди. Бу ҳақда The New York Times компаниядаги манбасига асосланиб маълум қилди, деб хабар берди «Газета.ru».
Нашрнинг маълумотларига кўра, Facebook функцияси бўйича Моменц дастурини ёдга солувчи Colorful Balloons дастурини маҳаллий Youge Internet Technology компанияси орқали чиқарган.
Шунингдек, таъкидланишича, Хитой ҳукумати АҚШ технологияси гиганти ушбу дастурни мамлакат фойдаланувчилари орасида тарқатаётганидан хабардорми йўқми номаълум.
Газетанинг аниқлашича, компания раҳбари Чжан Сзинмей исмли қиз бўлиб, унинг Facebook асосчиси Марк Цукерберг ва хитойлик амалдорлар билан бирга тушган сурати мавжуд.
Facebook ўзининг компанияга, шунингдек, дастурга боғлиқ саволларга изоҳ беришдан бош тортди.
Изоҳ (0)