АҚШда Дюк университети қошидаги клиника шифокорлари бир чақалоқнинг тўхтаб қолган юрагини бошқасининг кўкрак қафасида қайта ишга туширди. Бу ҳақда BBC хабар берди.
Шифокорларнинг таъкидлашича, донор юрак трансплантация қилинишидан олдин уришдан тўхтаб қолган. Одатда потенциал донор юрак кўчиришдан олдин тўхтаб қолса, уни трансплантация қилиш мумкин бўлмайди. Шунга қарамай, бу ёндашув биринчи марта 3 ойлик чақалоқда ўтказилган операцияда муваффақиятли қўлланди.
Илмий адабиётларда шунга ўхшаш бир нечта ҳолатлар қайд этилган. Бу ҳолат одатда инглизча “қон айланиш тўхтаганидан кейинги донорлик” (donation after circulatory death) иборасидан олинган DCD қисқартмаси билан белгиланади.
Маълумотларга кўра, дунёда йилига тахминан 5 000 та юрак трансплантацияси амалга оширилади. Бу операцияларнинг деярли ярми АҚШ ҳиссасига тўғри келади. Аксарият ривожланган мамлакатлар, жумладан, АҚШ, Германия, Буюк Британия, Франция, Испания, Италия, Ҳиндистон, Жанубий Корея, Япония, Саудия Арабистони каби давлатларда бу амалиётлар мунтазам ўтказилади.
Изоҳ (0)