Google 2016 йилда Snap (асосий бренди — Snapchat) компаниясини 30 миллиард долларга сотиб олиш бўйича музокаралар олиб борган. Бу ҳақда бир-биридан мустақил уч манба Business Insider нашрига маълум қилган. Савдо нима учун ўхшамагани номаълум, деб ёзади Meduza.
2017 йилнинг март ойида Snap ўз акцияларини биржага бирламчи чиқарди (IPO) ва савдоларнинг биринчи кунида компания капитализацияси ҳақиқатан ҳам 30 миллиард долларга етди. Шундан бери компания акциялари нархи тушмоқда ва ҳозирда Snap бозорда атиги 15 миллиард долларга баҳоланмоқда.
«Манбалардан бирининг маълум қилишича, эҳтимолий келишув бўйича сўнгги музокаралар мартдаги IPO арафасида бўлиб ўтган», — деб ёзади Business Insider.
Snapchat — ёшлар орасида энг оммабоп мулоқот дастурларидан бири ҳисобланади. Ҳозирги кунда ундан 150 миллион киши ҳар куни фойдаланади. Snapchat’нинг ўзига хослиги шундаки, ундан юборилган хабарлар сақланиб қолмайди — маълум вақт ўтганидан сўнг, ўчиб кетади.
Snapchat 2011 йилда ишга тушган бўлиб, ҳозирги қадар ҳеч қачон даромад олмаган.
Изоҳ (0)