Венесуэла президенти Николас Мадуро оммавий тартибсизликлар иштирокчиларини 25 йилгача бўлган муддатга озодликдан маҳрум этишни таклиф қилди. Бу ҳақда «Газета.ru» хабар бермоқда.
El Nacional нашри маълумотларига кўра, президент Мадуро мазкур чора кўзда тутилган қонун лойиҳасини Таъсис мажлисининг сессиясида илгари сурган.
Мадуронинг қайд этишича, мамлакатда давом этаётган оммавий тартибсизликларнинг барча иштирокчилари 15 йилдан 25 йилгача бўлган муддатга озодликдан маҳрум этилади.
Унинг қўшимча қилишича, ушбу қонун Венесуэлада «тинчлик ва аҳиллик»ни ўрнатишга йўналтирилгандир.
Хабар беришларича, президент томонидан тақдим этилган қонун лойиҳаси Таъсис мажлиси аъзолари томонидан кўриб чиқилади.
Изоҳ (0)