«Шерюрак», «Аёллар нима истайди», «Ватанпарвар» каби фильмлари билан машҳурликка эришган Мел Гибсон ўзининг Кўста-Рикадаги мулкини сотувга қўйди. Актёр 2017 йилнинг бошида Лос-Анжелеснинг муҳташам Шерман Оукс даҳасидаги тўрт хонали уйини 2,1 миллион долларга ҳамда Агура-Хиллздаги коттежини 683 минг долларга сотган эди, деб хабар берди ABC News.
61 ёшли актёр Коста-Рикадаги 163 гектарга тенг Жунгли парчаси учун 30 миллион доллар сўрамоқда.
Гибсон Коста-Рикадаги ҳудудга 2006 йилда ўзининг Apocalypto фильми учун суратга олиш майдончаси қидираётганида дуч келган. Бу ердаги учта вилланинг ҳар бири алоҳида маҳаллий ёғочлардан, шунингдек, испан ва италян кафелларидан фойдаланилган ҳолда қурилган.
Уйларнинг энг каттаси Casа Гуанаcасте бўлиб, унда еттита ётоқхона ва саккизда ювиниш хонаси жойлашган. Қолган иккита кичикроқ виллаларда эса иккитадан ётоқхона мавжуд. Атрофдаги пляжга ҳар йили минглаб километр саёҳат қиладиган денгиз тошбақалари тухум қўйгани келади.
Мел Гибсон бошқа бир қатор объектларини ҳам сотувга қўйган. Жумладан, ўтган ойда Malibu шаҳридаги ўрта асрларга тегишли қўрғон 17,5 миллион долларга бозорда пайдо бўлган. Шунингдек, актёр Коннектикут штатининг Гринвич шаҳридаги кошонасини 26 миллион долларга сотишга ҳаракат қилмоқда.
Изоҳ (0)