Покистоннинг собиқ бош вазири Навоз Шарифнинг турмуш ўртоғи Калсум Навоз эрининг парламентдаги бўшаб қолгани ўрни учун ўтказиладиган сайловда қатнашишга қарор қилди. Бу ҳақда «Газета.ru» хабар бермоқда.
Аввалроқ Навоз Шариф коррупция можароси ортидан бўлиб ўтган суд иши натижасида, 28 июль куни Олий суд қарорига кўра ўз лавозимидан четлатилган эди.
Калсум Шарифнинг маслаҳатчиси Асиф Кирмонийнинг Reuters агентлигига маълум қилишича, хонимнинг сайловда қатнашиши учун зарур барча ҳужжатлар 11 август куни тақдим этилган.
Кирмонийнинг сўзларига кўра, Калсум Навознинг номзоди Лаҳорда кўриб чиқилмоқда. Махсус сайловлар тахминан 45 кундан сўнг бўлиб ўтиши кўзда тутилган.
Қайд этиш жоиз, мамлакатнинг янги бош вазири лавозимига ҳокимиятдан четлатилган Навоз Шарифнинг укаси — Шаҳбоз Шариф номзоди танланган.
Изоҳ (0)