Филиппин президенти Родриго Дутертенинг расмий қароргоҳи — пойтахт Маниладаги Малакананг саройи зилзиладан сўнг эвакуация қилинди. Бу ҳақда «Ведомости» хабар бермоқда.
Президент саройидан ташқари, зилзиладан сўнг мамлакат Ташқи ишлар вазирлиги, Олий суди, университет ва Қизил Хоч жамияти қароргоҳида ҳам эвакуация тадбирлари бўлиб ўтган.
Такрорий зилзилалар бўлиши кутилмоқда, дейилади маҳаллий нашрларнинг хабарларида.
Бугун, 11 август куни Маниладан 130 километр жануби-ғарбда, Лубанг ороллари ҳудудида 6,6 магнитудали зилзила юз берди.
Изоҳ (0)