Мексиканинг Веракрус штати марказий қисмидаги 43 та аҳоли пункти 10 август, пайшанба куни юз берган «Франклин» тўфони оқибатида дунёдан узилиб қолди. Бу ҳақда «ТАСС» хабар берди.
Минтақанинг марказий қисмига ёпирилган кучли ёғингарчилик Мариано-Эскобедо муниципалитетида кўприкларнинг зарарланишига олиб келди. Расмийлар томонидан берилган маълумотларга кўра, табиий офат кучи 13 минг кишига зарар етказган.
Хабар берилишича, ҳозирча жароҳатланганлар ҳақида маълумотлар йўқ. Қутқарувчилар табиий офат оқибатларини бартараф этмоқда.
«Франклин» 8 август, сешанба куни кечаси Мексиканинг Кариб денгизи соҳилидаги Кинтана-Роо штати ҳудудидан ҳеч қандай талофат етказмасдан ўтган.
Изоҳ (0)