“Franklin” to‘foni Meksika sharqida 10 mingdan ortiq kishini dunyodan ajratib qo‘ydi

Meksikaning Verakrus shtati markaziy qismidagi 43 ta aholi punkti 10-avgust, payshanba kuni yuz bergan “Franklin” to‘foni oqibatida dunyodan uzilib qoldi. Bu haqda “TASS” xabar berdi.

Mintaqaning markaziy qismiga yopirilgan kuchli yog‘ingarchilik Mariano-Eskobedo munitsipalitetida ko‘priklarning zararlanishiga olib keldi. Rasmiylar tomonidan berilgan ma’lumotlarga ko‘ra, tabiiy ofat kuchi 13 ming kishiga zarar yetkazgan.

Xabar berilishicha, hozircha jarohatlanganlar haqida ma’lumotlar yo‘q. Qutqaruvchilar tabiiy ofat oqibatlarini bartaraf etmoqda.

“Franklin” 8-avgust, seshanba kuni kechasi Meksikaning Karib dengizi sohilidagi Kintana-Roo shtati hududidan hech qanday talofat yetkazmasdan o‘tgan.