Россиянинг Калининград вилояти фуқароси ишга жойлашиш вақтида 2004 йилдан буён вафот этганлар рўйхатида туришидан хабар топди, деб ёзади «Вести.ru».
Бу вақт ичида эркак уйланиб, фарзандли бўлишга ва ҳайдовчилик гувоҳномасини олишга улгурган. Вазиятга ойдинлик киритишда маҳаллий прокуратура ёрдам берди.
Прокуратурага 41 ёшли эркак мурожаат қилиб, унинг Россия Пенсия жамғармасидаги шахсий ҳисоби 13 йил аввал ФҲДЁнинг унинг ўлими ҳақидаги далолатномаси асосида ёпилганини маълум қилган.
Аниқланишича, 2004 йилда Калининград касалхонасида шахсини тасдиқловчи ҳужжати бўлмаган эркак вафот этган, у муассасага келиб тушган вақтида ўзи ҳақида аризачининг маълумотларига мос келадиган маълумотларни тақдим этган.
Изоҳ (0)