Ливан чегарачилари Сурия билан чегарадаги ИШИД террорчилик ташкилоти жангарилари тўпланган марраларга артиллерия қуролларидан зарба берди. Бу ҳақда «Коммерсантъ» хабар бермоқда.
«РИА Новости»нинг Ливандаги «Ҳизбуллоҳ» ҳаракатига яқин манбага асосланиб хабар беришича, Ливан армияси тоғли Раъс-Баълбек ҳудудидаги Карнет ал-Қоф ва Муҳайрам ҳудудларига зарба берган.
Артиллерия зарбалари оқибатлари ҳақида ҳеч қандай маълумот келтирилмаган.
Аввалроқ «Ҳизбуллоҳ» етакчиси Саид Ҳасан Насрулло у раҳбарлик қилаётган ҳаракат ИШИДга қарши бўлажак юришда қатнашиш ниятида эканини маълум қилган эди.
Унинг сўзларига кўра, Ливан армияси ИШИДга ўз чегарасидан туриб, Сурия армияси ва «Ҳизбуллоҳ» эса бошқа томондан туриб ҳужум қилади.
Маълумот учун, ИШИД жангарилари Сурия ва Ироқдаги жиддий мағлубиятлардан сўнг, ўзлари учун нисбатан хавфсиз ҳудудларга, хусусан, Ливанга кўчиб ўтишни бошлаган.
Изоҳ (0)