АҚШ денгиз пиёдалари корпусининг MV-22 Osprey конвертоплани Австралия қирғоқлари яқинида қулади. Бу ҳақда «Газета.ru» хабар бермоқда.
Fox News’нинг Пентагоннинг исми ошкор этилмаган вакилига асосланиб хабар беришича, ҳаво кемаси бортида 26 киши бўлган, уларнинг 23 нафари қутқариб олинган.
Ҳозирги вақтда қолган ҳарбий хизматчиларни излаш ишлари олиб борилмоқда. Қидирув-қутқарув ишларига катерлар ва самолётлар жалб этилгани айтилмоқда.
Қутқарилган денгиз пиёдаларининг аҳволи қандай экани ҳақида ҳозирча аниқ маълумотлар йўқ.
Изоҳ (0)