Хитойлик олимлар улкан виртуал коинотни яратди. Бунинг учун улар дунёдаги энг самарали Sunway TaihuLight суперкомпьютеридан фойдаланишди, деб хабар берди Engadget.
Мутахассисларнинг сўзларига кўра, коинотни моделлаштириш тадқиқот ишларида анча истиқболли изланишларни амалга ошириш имконини беради. Шу билан бирга олимлар Катта портлашдан сўнг бир неча ўн миллион йиллар давомида коинотнинг кенгайишини ва пайдо бўлишини қайта яратишди. Олимларнинг айтишича, бу 10 миллион процессор ядросига эга суперкомпьютер учун шунчаки «оддий машқ».
Тадқиқотнинг етакчи муаллифи Гао Ляннинг таъкидлашича, симуляция бир соатдан ортиқроқ давом этади. Бироқ коинот Цюрих университети астрофизиклари томонидан июнь ойида, 80 соат давомида моделлаштирилган коинотдан беш баробар катта бўлиб чиқди. Гао Ляннинг қўшимча қилишича, компьютернинг бошқа вазифалари ҳам бўлганлиги сабаб жараённи тўхтатишга тўғри келган.
2016 йилнинг ноябрида Sunwаt Тaihu Light TOP500 суперкомпьютерлар рейтингида биринчи ўринни эгаллаган. Унинг самарадорлиги 93 петафлопсга тенг (бир сонияда минглаб триллион операцияларни бажаради).
Изоҳ (0)