Rejissorlardan o‘z qahramonlarini o‘ldirishni so‘ragan aktyorlar (fotogalereya)

Filmda sevimli personajingiz vafot etgani — qayg‘uli holat. Ko‘pincha bu syujet bo‘yicha bo‘ladi, ammo shunday vaziyatlar ham uchrab turadiki, aktyorning o‘zi o‘z qahramonini o‘ldirishni so‘raydi, deb yozadi AdMe.

“Yulduzlar jangi”. 5 va 7-epizodlar, Xarrison Ford

1-qismni o‘ylash paytidayoq Ford o‘z personajini o‘ldirishni xohlagan va shu orqali uni tomoshabinlar nazdida qahramonga aylantirmoqchi bo‘lgan edi. Ammo Lukas Fordni 5-epizodda faqat muzlatib qo‘yishga rozi bo‘ldi, keyin esa qayta tiriltirdi. Xarrisonning iltimosini 7-epizoddagina amalga oshirishdi — u yana personajining o‘limini so‘radi va bu filmga hissiylik berishi va yangi personajlar paydo bo‘lishiga yo‘l ochib berishini aytdi.

“Uzuklar hukmdori”, Shon Bin

Bin suratga olish joylari o‘zgarishi va ko‘p uchishga to‘g‘ri kelishi (u samolyotda uchishdan juda qo‘rqadi)ni bilgach, filmda suratga tushishga qaror qilganidan pushaymon bo‘ldi va o‘z qahramonini o‘ldirishlarini so‘radi.

“O‘zga-3”, Sigurni Uiver

Aktrisa filmning 3-qismida personajni o‘ldirishni o‘zi so‘raganini tan oldi. “Men “O‘zga Yirtqichga qarshi” filmini suratga olishmoqchi ekanliklari haqida eshitdim, bu meni juda xafa qiladi, chunki men bu filmlardan juda faxrlanaman”, — degan edi aktrisa bu borada. Shu tariqa u franshizani barbod qilib, o‘z personaji hech qachon qaytib kelmasligiga erishmoqchi edi.

“Tubanlashuv”, Din Norris

Suratga olish ishlariga tayyorgarliklar oldidan Din Norris ssenariynavislar final ustida ishlayotganini bilardi va yangi serialga ketishga qaror qilgach, o‘z qahramonining o‘limini tezlashtirishni so‘radi. Norris o‘z personajini so‘nggi seriyada emas, oxirgi mavsumning birinchi yarmi so‘ngida o‘ldirishni taklif qildi. Shunday qilishdi ham, ammo Norris suratga olish ishlari cho‘zilib ketgani sababli baribir yangi serialga ulgura olmadi.

“Taxtlar o‘yini”, Kit Xarington

Kit Xarington o‘sha vaqtda xursand edi, chunki u o‘z personajining o‘limini ortiq sir tuta olmasdi va bu iloji boricha tezroq yuz berishini istardi. Ammo qayta tirilishi haqidagi sirni saqlash yanada qiyinroq kechdi. Yangi mavsum chiqqach, Kit uning personaji yo‘qotadigan narsa yo‘qligini tan oldi va, ehtimol 8-mavsumda u bo‘lmas.

“Taxtlar o‘yini”, Sofi Tyorner

Sofi Tyorner bu serialda hammani o‘lim kutayotganiga ishonchi komil va uning o‘zi ham o‘z personajining vafoti haqida o‘ylamoqda. Balki, Tyorner bu roldan charchab, loyihani kuchli taassurot qoldirgan holda tark etmoqchidir?