Америка фуқаролари дунёнинг кўплаб мамлакатларига визасиз ташриф буюришлари мумкин. Ҳатто баъзилари учун паспорт ҳам талаб қилинмайди. «Forum Daily» нашри АҚШ фуқаролари учун виза олишда қийинчилик туғдирадиган мамлакатлар рўйхатини тақдим этди.
1. Россия
Travel + Leisure нашрининг ёзишича, АҚШ ва Россия ўртасидаги муносабатларга қарамай Америкадан Россияга тур уюштирмоқчи бўлганлар тобора кўпайиб бормоқда. Бироқ америкаликлар Россияга кириш визасини олиши учун анча вақт йўқотишига тўғри келади. Бошқа давлат туристлари Россияга кириши учун 21 та саволдан иборат анкетани тўлдиришлари лозим бўлса, америкаликлар 41 та саволга жавоб беришлари керак.
2. Куба
АҚШ собиқ президенти Барак Обама Кубага бориш чекловларини олиб ташлагач, кўплаб америкаликлар оролга ташриф буюриш имкониятидан фойдаланиб қолишди. Дональд Трамп президент бўлгач эса Кубага бориш қийинлашди. Америкаликлар ҳамон оролга ташриф буюриши мумкин, бироқ туристик гуруҳлар таркибидан чиқмаган ҳолда. Шунингдек, уларнинг меҳмонхоналарда яшаши учун ҳам бир қатор чекловлар бор.
3. Ҳиндистон
Ҳиндистонга саёҳат қилишни истаган америкаликлар кутилмаган талабларга дуч келади. Америкалик фуқаро ҳинд визасини олиш учун ариза топширганида у АҚШдаги алоқаларининг ва иш берувчисининг рақамини кўрсатиб ўтиши керак.
Ҳинд визасини олиш учун бир неча ой вақт кетиши мумкин.
4. Науру Республикаси
Науру — Микронезия оролидаги кичкина давлат. Оролга келгач визадан ташқари меҳмонхона бронини ёки Наурулик фуқаро жўнатган таклифномани кўрсатишингиз лозим. Бундан ташқари оролдан оролга рейслар фақат ҳафтада бир марта парвоз қилади.
5. Сомали
Сомали — қўрқоқ сайёҳлар борадиган жой эмас. Давлат департаментлари америкалик сайёҳларни мамлакатдаги «Ал-Шабаб» террорчилик гуруҳи ҳақида огоҳлантиради. Сомалидаги баъзи жойларга ташриф буюриш учун Сомали элчихоналаридан виза олиш керак (АҚШда ушбу мамлакатнинг элчихонаси йўқ), баъзиларида эса визани ўша ернинг ўзида олиш мумкин.
6. Судан
Мамлакатга ташриф буюрган сайёҳлар уч кун ичида Ички ишлар вазирлигидан рўйхатдан ўтишлари ва Хартумдан ташқарига чиқмоқчи бўлганлар алоҳида рухсат олишлари лозим. Шундан сўнг Хартумдан ташқарига чиққан ҳудудингиз полиция бўлимидан 24 соат ичида рўйхатдан ўтишиз керак бўлади.
7. Туркманистон
Туркманистонга бориш учун визадан ташқари Туркманистон ҳукумати томидан тасдиқланган таклифнома ҳам керак. Олинган таклифнома ҳам сизга виза берилишига кафолат бўла олмайди.
8. Саудия Арабистони
Travel + Leisure’нинг маълум қилишича, мамлакат «одатда визаларни командировкада бўлган ёки оиласи билан саёҳат қилувчилар учун беради». Шунингдек, визалар сайёҳлик турларидан иборат гуруҳларга тақдим этилади. Бундан ташқари бу ерда аёллар борасида алоҳида қонун-қоида мавжуд. Аёллар турмуш ўртоқлари ёки эркак жинсига мансуб бошқа бир қариндошлари ҳамроҳлигида саёҳат қилиши керак.
9. Эрон
Эрон — АҚШ билан дипломатик алоқалари мавжуд бўлмаган мамлакатлардан бири. АҚШ фуқаролари Эрон бўйлаб маршрутини мувофиқлаштириши лозим. Таъкидлаш керакки, Эрон ўз аҳолисига АҚШга ташриф буюришни тақиқлаган мамлакатлардан ҳисобланади.
10. Шимолий Корея
Бу ерда саёҳатчилар қаттиқ танлаб олинади. Бироқ сиз визани қўлган кирицангиз ҳам, саёҳатни амалга оширишингиз аниқ эмас. Трамп маъмурияти америкаликларнинг ушбу мамлакатга боришини тақиқловчи режалари ҳақида эълон қилди.
Изоҳ (0)