АҚШ давлат департаменти 1 сентябрдан бошлаб америкаликларнинг Шимолий Кореяга сафар қилишига нисбатан тақиқ кучга киришини эълон қилиб, КХДРда бўлиб турган АҚШ фуқароларидан ушбу мамлакатни зудлик билан тарк этишни талаб этди. Бу ҳақда Reuters хабар бермоқда.
Қайд этишларича, ушбу тақиқ яқин бир йил давомида амалда бўлади. Фақат журналистлар ва гуманитар ташкилотларнинг ходимлари учун истисно қилиниши мумкин.
АҚШ маъмурияти ўз фуқароларининг Шимолий Кореяга сафарларини тақиқлаши мумкинлиги ҳақидаги илк хабарлар 21 июль куни пайдо бўлган эди.
Июнь ойида эса, америкалик талаба Otto Фредерик Вомбиернинг ўлимидан сўнг, Young Pioneer Tours турфирмаси америкалик саёҳатчиларни КХДРга юборишдан бош тортган эди. Ёш талаба июнь ойи бошида Цинциннати (Огайо штати)даги касалхонада вафот этган эди. Вомбиернинг мияси КХДРдаги қамоқ жазосини ўташ вақтида қаттиқ шикастлангани маълум бўлган эди.
Вомбиер 2016 йилнинг март ойида Шимолий Корея суди қарори билан 15 йилга озодликдан маҳрум этилган эди. У Пхеньянда ҳордиқ чиқариш давомида сиёсий плакатни ўғирлашга уринишда айбдор деб топилган эди. Унинг КХДРга сафари Young Pioneer Tours томонидан ташкил этилган эди. 2017 йил июнида эса КХДР маъмурияти Вомбиерни АҚШга қайтарган эди.
Изоҳ (0)