АҚШ маъмурияти интеллектуал мулк ҳуқуқлари бузилгани ва Америка компаниялари фаолияти Хитой ҳудудида чеклангани учун расмий Пекинга қарши қатор чоралар тайёрлади.
Хитой томони Шимолий Кореяни «йўлга солмагани»дан ҳафсаласи пир бўлган президент Дональд Трамп Пекин билан муносабатларни мустаҳкамлаш фикридан қайтди, дея The New York Times’га асосланган ҳолда хабар бермоқда «ТАСС».
Хабар беришларича, Оқ уйнинг бу борадаги баёноти яқин кунларда эълон қилинади. Савдо музокараларидаги АҚШ вакилига Хитой расмийлари Америка компанияларига нисбатан қўллаётган услубларни кўриб чиқиш топширилади. Бу текширув бир неча ойга чўзилиши мумкин.
Уларнинг якуни бўйича Трамп маъмурияти АҚШда Хитой маҳсулотлари ва хизматлари импортига божларни кескин ошириш, Хитой компанияларини лицензиядан маҳрум этиш ва бошқа қарши чораларни амалга ошириши мумкин.
Изоҳ (0)