Қашқадарё вилоятининг Мираки шаҳарчасида жойлашган «Лочин» болалар дам олиш оромгоҳида «Ўзбекнефтгаз» акциядорлик жамияти ва тармоқ касаба уюшмаси томонидан «Баркамол ёш мутахассис — қудратли юрт таянчи» шиори остида ташкил этилган нефть-газ соҳасида фаолият юритувчи ходимларнинг «Ёш мутахассислар» Форуми ўз ишини бошлади.
Форум очилишида «Ўзбекнефтгаз» АЖда янги жорий этилган ёшлар масалалари бўйича маслаҳатчи лавозимига тайинланган ёш мутахассис қатнашчиларга таништирилди. Маслаҳатчи ёшлар билан ишлаб, улар томонидан бериладиган таклиф ва фикрларни амалга оширишда ёшлар ва раҳбарият ўртасида воситачи вазифасини бажаради.
1 августдан 5 августгача давом этадиган Форум давомида «Ўзбекнефтгаз» АЖнинг турли корхоналарида ишлаётган 300 нафар ёш ходим ўзаро тажриба ва фикр алмашиш, ўз ғоялари ва таклифларини ҳамкасблари ва соҳа раҳбарлари олдида тақдим қилиш имкониятига эга бўлади.
Шунингдек, соҳада узоқ йиллар меҳнат қилган фахрийлар ва ёшлар ўртасида бўлиб ўтадиган учрашувларда ёш мутахассислар фахрийларнинг тажрибалари билан танишади, Форум доирасида мамлакатда олиб борилаётган ёшлар сиёсати ва соҳалардаги ислоҳотлар, халқаро ва миллий меҳнат стандартлари, ёш мутахассисларнинг етакчилик қобилияти, ижтимоий мулоқот каби мавзуларда машғулотлар бўлиб ўтади.
Изоҳ (0)