Ўзбекистонда 1 август куни 59 олий таълим муассасалари ва уларнинг 12 та филиалида қабул тест синовлари ўтказилди. Бу ҳақда Давлат тест маркази хабар бермоқда.
Бу йил олий таълим муассасаларига 729 947 (2016 йилда — 663 304) нафар абитуриент ҳужжат топширган, шулардан 7 725 (2016 йилда – 7 521) нафари муддатли ҳарбий хизматни тугатган ҳарбий имтиёзга эга абитуриентлар эди. Ўртача танлов 1 ўринга 11,0 тани (2016 йилда – 11,05 та) ташкил этди.
ДТМнинг қайд этишича, тест синовларини ўтказиш мақсадида 744 271 (2016 йилда – 676 минг) дона индивидуал тест саволлари комплекти тайёрланган.
Тест синовлари 1 080 (2016 йилда – 889) та бинода жойлашган махсус 21 765 (2016 йилда – 19 830) та аудиторияда ўтказилди. Жамоатчилик хавфсизлигини таъминлаш учун 17 317 (2016 йилда – 16 060) нафар ички ишлар ходимлари, 1 848 (2016 йилда – 1 276) та автотранспорт воситалари (жумладан, 84 (2016 йилда – 33) та ёнғинга қарши экипаж, 362 (2016 йилда – 326) дона тез тиббий ёрдам автомашиналари) жалб қилинди.Тест синовларига 11 698 (1,6 фоиз) (2016 йилда – 5 163 (0,8 фоиз)) нафар абитуриент қатнашмаган, 2 764 (0,38 фоиз) (2016 йилда — 714 (0,1 фоиз)) нафари тест синови топшириш тартибини бузганлиги сабабли жараёндан четлатилган.ДТМ ахборотидан
ДТМ ахборотида алоҳида қайд этилишича, «тест синовлари жараёнида натижага таъсир этувчи қоидабузарлик ҳолатлари қайд этилмади. Тест материаллари шу куннинг ўзида Давлат тест марказига етказилди».
Изоҳ (0)