The Guardian нашри «Палов: Ўзбекистоннинг миллий эҳтироси» номли мақола эълон қилди. Нашр фуд-блогери ўзи Самарқандда, Фирдавсий кўчасида жойлашган оддийгина ресторанда тановул қилган палов ҳақида гапириб берган. Уни «оддий палов эмас, ҳақиқий палов» дея таърифлаб, ош солинган улкан лаганни икки официант дастурхонгача олиб келганини қўшимча қилган.
«Палов бутун Марказий Осиё бўйлаб тайёрланса-да, у айнан Ўзбекистоннинг миллий эҳтироси, у ерда одамлар бу мазали таомни тайёрлаш қобилиятларидан фахрланади. Энг истеъдодли ошпазлар тўйларда ва байрамларда битта қозонда минг киши учун ош тайёрлай олади. Эҳтимол, палов усталари бўлмиш ўзбеклар учун бу таом, меҳмондўстлик, жамоатчилик ва ўзига хослик белгисидир», — дейилади мақолада.
Таъкидланишича, саёҳатчилар азалдан палов ҳақида кўплаб фикрлар билдириб келган. Хусусан, Арминий Вамбери 1863 йилда ёзилган «Саёҳатчилар Марказий Осиёда» китобида самарқандча палов ҳақида шундай ёзган: «Ҳашаматли палов бир қоп гуруч, бўлакларга бўлинган учта қўй, бир това қўй ёғи ва бир қопча гуручдан иборат».
Изоҳ (0)