1 август куни Ўзбекистоннинг барча олий таълим муассасаларида ўқишга кириш бўйича тест имтиҳонлари бўлиб ўтмоқда. Айни вақтда, бир қатор олийгоҳлар имтиҳонларни янги тартибда, замонавий технологиялардан фойдаланган ҳолда ташкил этди.
Хусусан, Тошкент давлат юридик университети томонидан тест имтиҳонларини аввалги йиллардагидек Юнусобод туманида жойлашган мактабларда эмас, балки «Ўзэкспомарказ» кўргазмалар мажмуасида ўтказилиши жорий имтиҳон мавсумининг энг катта янгиликларидан бири бўлди.
Мавзуга доир: Тошкент ахборот технологиялари университетидаги тест имтиҳонлари — «Дарё» фоторепортажида
Ижтимоий тармоқларда университет имтиҳонларига кириш жараёнидан олинган бир қатор видеолар эълон қилинди. Уларнинг бирида шпаргалка билан қўлга тушган абитуриент қиз: «Мен энди ўқишга киролмайманми?», — деб савол билан юзланаётганини кўриш мумкин.
Иккинчи видеода эса имтиҳонга кираётган абитуриентлар қаттиқ текширувдан ўтказилаётганига гувоҳ бўлиш мумкин. Мегафон орқали абитуриентларни қоидаларни бузмасликка чақираётган университет ходими телефон, шпаргалка ва бошқа ёрдамчи воситалар билан қўлга тушган 20 дан зиёд абитуриент имтиҳондан четлатилганини эълон қилаётганини эшитиш мумкин.
Изоҳ (0)